2Th 1 | ENQ | STEP | Namba Polopi, Silipenasapi, Timotipi naimame naimanya Takange Gotepa, Kamongo Jisasa Kataisa-pipa awapa Tesalonaika yuu dokonya sosa kalyamino endakali dupanya pepa dake pyao peekelyamano.

a1:1Ap 15:22, 16:1, 17:1; 2 Ko 1:19; 1 Te 1:1

b1:2Lo 1:7

c1:31 Te 1:2-3, 3:6-12, 4:9-10

d1:4Ap 14:22; 2 Ko 7:4; 1 Te 1:7-8, 2:19-20; Pa 1:9

e1:5Mt 4:17; Pl 1:28; 1 Te 2:14, 3:4

f1:6Lo 12:19; Pa 18:6-7

g1:7Mt 25:31; 1 Te 3:3, 4:16; Pa 14:13

h1:8Eke 3:2; Wee 79:6; Ais 66:4,15; Lo 1:5, 2:8; 1 Pi 4:17

i1:9Ais 2:10,19,21, 49:3, 66:5

j1:10Wee 68:34, 89:7; Kl 3:4; 1 Te 3:13

k1:11Pl 2:13; Kl 1:9; 1 Te 1:2-3

l1:12Ais 24:15, 66:5; Mal 1:11; Jo 17:10,24

2 Thessalonians 1

1 Namba ^a Polopi, Silipenasapi, Timotipi naimame naimanya Takange Gotepa, Kamongo Jisasa Kataisa-pipa awapa Tesalonaika yuu dokonya sosa kalyamino endakali dupanya pepa dake pyao peekelyamano.

2 Takange ^b Gotepa Kamongo Jisasa Kataisapame nyakama kandao mona epe mende palyetala nyakamanya mona doko lyuu lasekena.

Goteme mana tolatae minao endakali yapenge doko

3 Kaimia ^c paluma, naimame koteaka lao nyakama lao masetala Gote kandao yaka pilino lapenge. Dopa pipenge mana doko epe. Doko, nyakamame eteteaka masoo minama-minama pyoo minao katao nyakama mendai mendai lao dupa pitakame mende auu kayamaima-kayamaima pyoo kalyamino. 4 Dopa ^d pyoo kalyamino dokonya naima tangeme Gotenya sosa dupanya nyakama dapa lao lalyingi: nyakama watao pilyamino dupanyapi kenda pipae nyoo kalyamino dupanyapi dupa pitakanya nyakamame yapa maka nakaenya masoo minao kalyaminona lao lalyingi.

5 Nyakamanya ^e mana dokome Goteme mana tolatae minao endakali dupa yapengena lao laitaka pilyamo. Dee nyakama baame isingi panda dokonya kapa pao katapengena lao masingi doko laitaka pilyamoaka. Baame isingi panda dokonya nyakama katatamana lao masetala tanda nyilyamino. 6 Nyakama ^f kenda pipae dilyamino endakali dupa Goteme mana tolatae minao yanu pyao kenda pipae maita. 7 Dopa ^{g
,} ^h petala nyakama kenda pipae nyilyamino dupa naima-pipa mona yaepao koto kalyepa lata. Kamongo Jisasa baanya enjele pupu lapae dupa-pipa kaiti-kisa katao itate yuli-pipa tambetambe panao ipatamo gii dokopa dopa lata. Gii dokopa baame endakali baa lao masoo awapa nakatengepi, naimanya Kamongo Jisasanya lao Wai Pii Epe doko watao minala naengepi, dupa-kisa yanu nyeta. 9 Kamongo ^{i
,} ^j dee ipatamo gii dokopa pituu, endakali dupame yanu nyoo baanya enombasa watao pyatae katao baanya pupu lapae etete tii pipae doko nakandao koyawaka katatami. Gii dokopa baanya endakali dupame baa lalyetami. Kini, baa lao masoo miningi dupa pitakame baa tama pitami. Dee naimame Gotenya pii nyakama langiamano doko masoo minao kalyamino dokonya nyakamame apata dupa-pipa tama pitamiaka.

11 Dopa ^k pitamino doko masetala, naimanya Gote dokome nyakama ipupa lateamo doko watao minalapale lao baame nyakama kapa pisina lao naimame loma sekenge. Nyakamame etete epe joo katapumali lao masilyamino doko Goteme baanya pupu lapae dokome angi injisekena lawapi, dee masoo minao kalai pyepale lao Goteme pupu lasekena lawapi, koteaka lao loma sekelyamanoaka. 12 Dopana, ^l mana dutupame naimanya Kamongo Jisasa lao nyakamame lalyetaminopa baame nyakama lalyetaka. Naimanya Gotepa Kamongo Jisasa Kataisapame mona epe palyoo dopa pitambi.